Preseos HTC

Adaway nun furrula cuando tas usando un preséu col llamáu S-ON. Esta «carauterística» esiste en munchos preseos HTC y evita qu'AdAway escriba nel ficheru «hosts».

¿S-ON/S-OFF?

S-OFF significa que'l cachu de NAND del preséu ta desbloquiáu y pue escribise nelli. L'axuste predetermináu pa los preseos HTC ye S-ON que quier dicir que nin pues acceder a ciertes arees del sistema, nin pues garantizar un rootéu permanente. Amás, tamién s'asegura la comprobación de comprobación de la robla pa les imáxenes del firmware pola bandera S-ON.

¿Teo S-ON o S-OFF?

Arranca nel menú d'arranque del to preséu teniendo primíu'l botón volume - entrín primes la tecla de prendíu, el testu d'enriba amosará l'estáu del indicador como S-OFF o S-ON. Un rootéu completu xeneralmente significa S-OFF.

Pue alcontrase más información enwww.addictivetips.com. Quiciabes t'interesen métodos S-OFF adicionales dende Unrevokable (nel enllaz) fasta Revolutionary, Revone, Firewater, RumRunner, Moonshine, SunShine...

Igua alternativa

Pre-requirimientu: Has instalar un SDK d'Android que furrule col shell d'ADB nel to PC.

  1. Arranca nel menú d'arranque del to preséu primiendo'l botón baxar volume entrín lo faes col de prendíu.
  2. Usa baxar volume pa esbillar el recovery.
  3. Nel recovery de Clockwork aperta'l botón de baxar volume pa dir fasta «partitions menu» y calca'l trackpad pa esbillalu
  4. Esbilla mount /system, mount /sdcard y mount /data.
  5. Enchufa'l to cable USB y abri una terminal nel to PC.
  6. Introduz adb shell y teclexa ln -s /data/hosts /system/etc/hosts (Esto crea un enllaz simbólicu que permite a AdAway editar el ficheru «hosts» atroxáu en /data entrín permite al SO usalu como si s'atroxare en /system/).
  7. Reanicia'l to preséu y afita'l ficheru «hosts» oxetivu a /data/hosts nes preferencies d'AdAway.
  8. Agora AdAway debería furrular.